AZ
RU
EN
XƏBƏRLƏR
07 Aprel 2019
Cavanşir Ağakişiyev və Aysel Əhədova dünya birinciliyində çıxışını başa vurub

Polşanın Torun şəhərində qılıncoynatma üzrə yeniyetmə və gənclər arasında dünya birinciliyinıə start verilib.

Turnirin ilk yarış günündə sablya üzrə gənc oğlan və qızlar arasında qaliblərin adlarına aydınlıq gəlib. Oğlanların yarışında ölkəmizi Cavanşir Ağakişiyev, qızlarda isə Aysel Əhədova təmsil edib. Sablyaçılarımızdan Cavanşir Ağakişiyev qrup mərhələsində keçirdiyi 6 görüşdən 3-nü qalib başa vurub. Ağakişiyev 1/64 finalda Amerika Birləşmiş Ştatları idmançısı Ervin Kaiyə 7:15 hesabı ilə uduzub. Qılıncoynadanımız 150-dən çox iştirakçı arasında 76-cı sırada qərarlaşıb.

Digər sablyaçımız Aysel Əhədova isə qızların yarışında qrup mərhələsini uğurla adlayıb. Əhədova qrupda keçirdiyi 5 görüşdən 3-də qalib gəlib. Aysel 1/64 finalda Ukrayna təmsilçisi Marqarita Smirnovaya 10:15 hesabı ilə uduzub. Əhədova 120-dən çox iştirakçı arasında yekun sıralamada 66-cı olub. Dünya birinciliyinə aprelin 14-də yekun vurulacaq.

 Çap etmək  Yuxarı  Geri

Paylaş


© Azərbaycan Qılıncoynatma Federasiyası
Müəllif hüquqları qorunur.
Unvan: Bakı ş., AZ 1065, Bakıxanov küç., 6,
Bridge Plaza, 10-cu mərtəbə
Tel: +994 (12) 499-85-66
Email: