Qılıncoynatmanın sablya növündə yeniyetmə idmançımız Zərifə Hüseynova Bolqarıstanın Plovdiv şəhərində keçirilən yeniyetmə və gənclərin dünya çempionatında gümüş medal qazanıb! Dünya çempionatının ikinci yarış günündə yeniyetmə oğlan və qız sablyaçıların şəxsi yarışında mükafatçılar müəyyənləşib. Qrup mərhələsini 5 qələbə ilə bitirən Zərifə yarımfinala gedən yolda Bolqarıstan, Koreya Respublikası, İtaliya və Macarıstanı təmsil edən sablyaçılara qalib gələrək ən…
İsveçrənin Lozanna şəhərində Beynəlxalq Qılıncoynatma Federasiyasının (FIE) 100-cü Konqresi keçirilib. Konqres çərçivəsində cari mövsüm 2 Dünya Kubokunun və 1 Qran-prinin mərhələ yarışının qalibi, son Avropa çempionu, dünya çempionatının finalçısı olan Anna Baştaya qadın sablyaçıların şəxsi mübarizəsində dünya reytinqinin 1 nömrəsi olaraq xüsusi mükafat təqdim olunub. Daha öncə bu titula Yelena Jemayeva layiq görülüb. Azərbaycan Qılıncoynatma…
Sablya üzrə qadınlardan ibarət milli komandamızın üzvü Anna Başta 2021-ci ilin aprelində İspaniyanın paytaxtı Madrid şəhərində keçirilən Avropa Olimpiya Təsnifat turnirində qalib gəlməklə Tokioda keçirilən yay olimpiya oyunlarına lisenziya qazanıb. Anna Başta finalda Almaniya sablyaçısı Anna Limbaxa 15:13 hesabı ilə qalib gələrək Avropa Olimpiya Təsnifat Turnirinin qalibi olub.
2021-ci ilin aprelində sablya üzrə milli komandamızın üzvü Zərifə Hüseynova ilk dəfə qatıldığı dünya birinciliyində yeniyetmələr arasında bürünc medal qazanıb. Bu Azərbaycanın qılıncoynatma tarixində sablya üzrə yeniyetmələrin dünya birinciliyində qazanılan ilk medaldır.
2019-cu ilin mayında sablya üzrə qadınlardan ibarət milli komandamızın üzvü Anna Başta Bolqarıstanın Plovdiv şəhərində keçirilən 23 yaşadək qadın sablyaçıların Avropa çempionatında qızıl medal qazanıb. Qılıncoynadanımız finalda İtaliya idmançısı Lusia Lukarinini məğlub etməklə 23 yaşadək qadın sablyaçılar arasında Avropa çempionu olub.
Şpaqaçımız Ruslan Həsənov 2019-cu ilin aprelində Polşanın Torun şəhərində keçirilən yeniyetmə və gənclərin dünya birinciliyində bürünc medal qazanmaqla müstəqillik tariximizdə ilk dəfə gənclərin dünya birinciliyində mükafatçılar sırasında yer almağı bacaran qılıncoynadan kimi tarixə düşüb.
Sablya üzrə qadınlardan ibarət milli komandamızın üzvü Səbinə Kərimova (Mikina) – 2012-ci ildə Londonda, 2016-cı ildə Rioda keçirilən Yay Olimpiya Oyunlarının iştirakçısı
Sevil sablya üzrə gümüş, Sevinc isə bürünc medal qazanıb. Həlledici qarşılaşmada Sevil yarımfinalda Sevinci məğlub edən Polşa təmsilçisi Angelina Vatora 14:15 hesabıyla məğlub olub.
Yelena Jemayeva – ikiqat dünya çempionu, Avropa çempionu, Dünya Kubokunun ikiqat qalibi, 2004-cü ildə Afinada keçirilən Yay Olimpiya Oyunlarında 7-ci yer. Sablya üzrə qadınların yarışında ilk dünya çempionu kimi tarixə düşüb.