AZ
RU
EN
XƏBƏRLƏR
01 Aprel 2018
Qılıncoynatma üzrə yeniyetmə və gənclərin dünya birinciliyinə start verildi

Bu gün İtaliyanın Verona şəhərində qılıncoynatma üzrə yeniyetmə və gənclər arasında dünya birinciliyinə start verilib.

Turnirin ilk günündə 4 təmsilçimiz mübarizəyə qoşulub. Gənc şpaqaçımız Məryəm Məlikova qrup mərhələsində Hindistan, Braziliya və Macarıstanı təmsil edən qılıncoynadanlara qalib gələrək, pley-offa adlayıb. Təmsilçimiz 1/64 finalda yaponiyalı Hana Saitoya 12:15 hesabı ilə uduzub. Qılıncoynadanımız gənc şpaqaçıların mübarizəsində 91-ci olub.
Kişilərin yarışında isə Fərrux Səfərov, Barat Quliyev və Xalid Əliyev qüvvəsini sınayıb. Qrup mərhələsində ukraynalı və rumıniyalı şpaqaçılara qalib gələn Xalid Əliyev pley-offda Çin təmsilçisi Ximmiao Qonqa 13:15 hesabı ilə uduzub. Qrup mərhələsində yalnız honkonqlu rəqibini məğlub etməyi bacaran Barat Quliyev isə mübarizəni erkən dayandırıb. Qrup mərhələsində yamaykalı və hindistanlı rəqiblərini məğlub edən Fərrux Səfərov pley-offda avstriyalı Luis Mullerə 15:14 hesabı ilə qalib gəlib. Təmsilçimiz mübarizəni 1/64 finalda dayandırıb. Şpaqaçımız macarıstanlı Tibor Andrasfiyə 8:15 hesabı ilə uduzub. Yekun siyahıya əsasən, Səfərov gənc şpaqaçıların dünya birinciliyində 118, Xalid Əliyev 138, Barat Quliyev isə 184-cü olub. 

 Çap etmək  Yuxarı  Geri

Paylaş


© Azərbaycan Qılıncoynatma Federasiyası
Müəllif hüquqları qorunur.
Unvan: Bakı ş., AZ 1065, Bakıxanov küç., 6,
Bridge Plaza, 10-cu mərtəbə
Tel: +994 (12) 499-85-66
Email: