AZ
RU
EN
XƏBƏRLƏR
18 Noyabr 2019
Yeniyetmə sablyaçıların "European Cadet Circuit" turnirinə yekun vurulub

Bolqarıstanın paytaxtı Sofiya şəhərində keçirilən yeniyetmə sablyaçılar arasında “European Cadet Circuit” turnirinə yekun vurulub.

17 yaşadək oğlan sablyaçıların şəxsi yarışında Maqsud Hüseynli qrup mərhələsini 5 qələbə ilə başa vurub. 1/64 finalda ABŞ təmsilçisi Braydon Boltona 15:9 hesabı ilə qalib gələn Maqsud, 1/32-də sinqapurlu Dan Vei Zuoya 8:15 hesabı ilə məğlub olub.Digər oğlan sablyaçılarımızdan Saleh Məmmədov və Murad Əkbərov qrupda 3 qələbə qazanaraq pley-offa yüksəlib. Sablyaçılarımız pley-offda rusiyalə həmkarlarına məğlub olub. Saleh Lev Maninə 11:15, Murad Əkbərov isə Yaroslav Savinova 8:15 hesabı ilə uduzub.Qrupda cəmi 1 qələbəsi olan Ayxan Xasiyev isə mübarizəni erkən dayandırıb.Sablyaçı oğlanlarımız komanda yarışında Macarıstanın 2-ci komandasına 29:45 hesabı ilə uduzub.

Eyni yaş kateqoriyası üzrə qız sablyaçıların şəxsi yarışında Zərifə Hüseynova qrup mərhələsini 3 qələbə ilə bitirərək pley-offa adlayıb. Zərifə 1/64 finalda Rumıniya idmançısı Alissa Stefaneskuya 10:15 hesabı ilə uduzub. Qrupda 1 qələbəsi olan Sara Aydəmirova zərbələrin sayına görə pley-offa yüksəlsə də, burada türkiyəli İrmak Duvan 6:15 hesabı ilə məğlub olub.

 Çap etmək  Yuxarı  Geri

Paylaş


© Azərbaycan Qılıncoynatma Federasiyası
Müəllif hüquqları qorunur.
Unvan: Bakı ş., AZ 1065, Bakıxanov küç., 6,
Bridge Plaza, 10-cu mərtəbə
Tel: +994 (12) 499-85-66
Email: